Amnesty International կազմակերպությունը քննադատել է Իսրայելի կողմից մարդու իրավունքների խախտումը
Amnesty International միջազգային իրավապաշտպան կազմակերպությունն իր վերջին զեկույցում Թել Ավիվին մեղադրել է մարդու իրավունքները խախտող երկրներին, այդ թվում ԱՄԷ-ին, Հարավային Սուդանին ու Մյանմային զենքեր ու լրտեսական սարքեր տրամադրելու մեջ:
Middle East Monitor կայքի հաղորդման համաձայն, Amnesty International կազմակերպության զեկույցում ասված է.«Սիոնիստական ռեժիմի ընկերությունները շարունակում են զենք արտահանել համակարգված կերպով մարդու իրավունքները խախտող երկրներ և սովորաբար այդ զենքերը մի քանի անգամ վաճառվելով, շրջանցվում է միջազգային վերահսկման գործընթացը:
Amnesty International կազմակերպությունն այդ զեկույցում հիմնվել է իրավական կառույցների պաշտոնական զեկույցների և ոչ թե Իսրայելի պատերազմի նախարարության տվյալների վրա:
Նշելի է, որ Իսրայելի ռեժիմը Ադրբեջանի զենքի գլխավոր ապահովողն է և վերջերս ՀՀ արտգործնախարարը խիստ քննադատելով Իսրայելի կողմից Ադրբեջանին զենքի վաճառքը, ասել է, որ իսրայելական զենքերն սպառնում են Հայաստանի քաղաքացիների կյանքին:
