Եվրամիության ընդլայնման շուրջ բանակցությունները ձախողվել են
Հինգշաբթի և ուրբաթ օրերին Բրյուսելում կայացած Եվրախորհրդի նիստում, ԵՄ անդամ երկրների առաջնորդները համաձայնության չեն եկել այդ միության ընդլայնման շուրջ:
Ինչպես հաղորդում է Ռոյթերս լրատվական գործակալությունը, Ֆրանսիան, Դանիան, ու Նիդերլանդները ուրբաթ օրը դեմ են հանդես եկել ԵՄ-ում նոր անդամ ընդունելու առաջարկությանը:
Ֆրանսիան, Դանիան և Նիդերլանդներն ընդդիմացել են ԵՄ-ին Ալբանիայի եւ Հյուսիսային Մակեդոնիայի անդամակցության բանակցություններին: Այս երկրները խոչընդոտել են Ալբանիայի և Հյուսիսային Մակեդոնիայի անդամակցությանը Եվրամիությանը:
Եվրահանձնաժողովի նախագահ Ժան-Կլոդ Յունկերը պատմական սխալ է որակել որոշ երկրների կողմից Եվրամիությանը միանալու Ալբանիայի և Հյուսիսային Մակեդոնիայի հետ բանակցություններին խոչընդոտելը:
Ֆրանսիայի նախագահ Էմանուել Մակրոնն ասել է, որ Ալբանիայի և Հյուսիսային Մակեդոնիայի անդամակցության առաջարկություններն առաջընթաց չեն գրանցի, քանի դեռ ԵՄ-ը չի բարեփոխել իր գործելաոճը և բարեփոխումներ չի իրականացրել: