ԱՄՆ նոր պատժամիջոցները Վենեսուելայի նավթարդյունաբերության և առևտրի ոլորտների դեմ
Վենեսուելայի վրա ճնշում գործադրելու պատճառով, ԱՄՆ կառավարությունը շարունակում է նոր պատժամիջոցներ կիրառել նավթարդյունաբերության և առևտրի ոլորտների դեմ:
Երեքշաբթի օրը, ԱՄՆ գանձապետական դեպարտամենտը նոր պատժամիջոցներ է սահմանել վեց նավթային տանկերների դեմ, որոնք Վենեսուելայի նավթը տեղափոխում էին Կուբա:
ԱՄՆ գանձապետական դեպարտամենտի ղեկավարի տեղակալ Ջասթին Մուզինիչը հայտարարել է. «Հավանան ու Կարակասը փորձում են շրջանցել պատժամիջոցները, փոխելով նավթատարների անունները՝ նավթը Վենեսուելայից Կուբա տեղափոխելու նպատակով»:
Մի շաբաթ առաջ, ԱՄՆ-ը Կուբայի Panamericana ընկերությանն արգելել էր գործունեություն ծավալել Վենեսուելայի նավթի արդյունաբերության ոլորտում:
Վենեսուելայի տնտեսության մեծ մասը հիմնված է նավթի վաճառքի վրա:
Միացյալ Նահանգները և նրա դաշնակիցները, պատժամիջոցներ կիրառելով Վենեսուելայի դեմ և պաշտպանելով ընդդիմությանը, փորձում են տապալել այդ երկրի օրինական կառավարությունը, որն ունի հակաամերիկյան ուղղվածություն:
