Կուբան հայտարարել է, որ դիմակայելու է ԱՄՆ-ի պատժամիջոցներին
Կուբայի տնտեսության նախարարը հայտարարել է, որ դիմակայելու է ԱՄՆ-ի պատժամիջոցներին և եթե Վաշինգտոնը հույս ունի, որ հարձակողական քաղաքականությունների կիրառմամբ կարող է նահանջ պարտադրել, սխալվում է:
Ուրբաթ օրը, Ֆրանս- Պրեսին տված հարցազրույցում, Ալեխանդրո Գիլն ասել է.«2019թ. լարվածություններով լի դժվար տարի է եղել, սակայն քանի որ մենք արդեն 60 տարի ԱՄՆ-ի կողմից շրջափակման ենք ենթարկված սակայն շարունակել ենք ապրել, այս տարի ևս հաղթահարել ենք պատժամիջոցները»:
Գիլն ընդգծել է, որ Կուբան ոչ միայն դիմակայում է պատժամիջոցներին, այլև բարեփոխումներ է իրականացնում և զարգանում է:
Խոսելով Կուբայի կոմունիստական կուսակցության նախկին առաջնորդ 88-ամյա Ռաուլ Կաստրոյի մասին, Ալեխանդրո Գիլն ասել է, որ անցյալի հեղափոխականներից ոչ մեկը Կուբայի զարգացման ճանապարհին արգելք չի եղել:
Անցած չորեքշաբթի օրը ևս Կուբայի տնտեսության նախարարը հայտարարել էր, որ ԱՄՆ-ի պատժամիջոցները չեն ազդելու զբոսաշրջության ոլորտի վրա և Կուբան 2020թ. շուրջ 4.5 միլիոն զբոսաշրջիկի է հյուրընկալելու:
