Հյուսիսային Կորեան արձագանքել է ԱՄՆ-ի կողմից Սուլեյմանիի սպանությանը
Հյուսիսային Կորեայի ԶԼՄ-ներն անդրադառնալով Իրաքում ԱՄՆ-ի կողմից ԻՀՊԿ-ի Ղոդս ուժերի հրամանատար, գեներալ-մայոր Ղասեմ Սուլեյմանիի սպանությանը, Միացյալ Նահանգներին մեղադրում են Արևմտյան Ասիայի տարածաշրջանում լարվածությունը սրելու մեջ:
«Միյարի» քաղաքական կայքը այդ մասին գրել է.«Ռազմական փորձագետները ակնկալում են, որ Արևմտյան Ասիայի տարածաշրջանը կդառնա գերեզմանատուն Միացյալ Նահանգների համար»:
Երկուշաբթի օրը Հյուսիսային Կորեայի պաշտոնական լրատվական գործակալությունը (KCNA) գրել է.«Հրամանատար Ղասեմ Սուլեյմանին սպանվեց Բաղդադի օդանավակայանում ԱՄՆ հրթիռային հարձակման արդյունքում և Չինաստանը և Ռուսաստանը դատապարտեցին այդ հարձակումը, այն որակելով որպես ՄԱԿ-ի Կանոնադրության խախտում»:
Զեկույցն անդրադառնալով Չինաստանի և Ռուսաստանի արտգործնախարարների հեռախոսազրույցին, նշել է, որ երկու երկրները ոչ միայն բողոքել են միջազգային հարաբերություններում ռազմական ուժի կիրառման դեմ, այլև հայտարարել են, որ չեն կարող հանդուրժել ԱՄՆ-ի արկածախնդիր ռազմական գործողությունները: