ԵՄ-ը կողմ է Շոտլանդիայի անկախությանը
Եվրոպական խորհրդի նախագահը հայտարարել է, որ ԵՄ-ը պատրաստ է իր կազմում ընդունել Շոտլանդիային, եթե շրջանն անկախանա Բրիտանիայից:
Կիրակի օրը, BBC News- ին տված հարցազրույցում, շեշտելով, որ ԵՄ-ին Շոտլանդիայի միանալու գործընթացն ինքնաբերաբար տեղի կունենա, Դոնալդ Տուսկը հավելել է. «Շոտլանդիայի անկախանալու և ԵՄ-ին միանալու ցանկությունը պետք է հարգել»:
Շոտլանդիայի առաջին նախարար Նիկոլաս Ստորջենը հայտարարել է, որ Շոտլանդիան ցանկանում է անկախանալ Բրիտանիայից և մուտք գործել ԵՄ:
Հունվարի 31-ին, Միացյալ Թագավորությունը (Անգլիա, Շոտլանդիա, Ուելս, Հյուսիսային Իռլանդիա) 47 տարի անդամակցությունցի հետո, պաշտոնապես դադարեցրեց անդամակցությունը Եվրամիությանը:
Վերջերս անցկացված սոցհարցման արդյունքները ցույց են տալիս, որ շոտլանդացիների 51 տոկոսը կողմ է Բրիտանիայից անկախանալու: 5 տարվա ընթացքում իրականացված սոցհարցումների ընթացքում, վերջին սոցհարցման ժամանակ, անկախությանը կողմ արտահայտվողների թիվը կազմել է մեծամասնություն:
