Մոսկվան արձագանքել է ԱՄՆ-ում Ռուսաստանին դիմակայելուն ուղղված բյուջեի հատկացմանը
ՌԴ ԱԳ նախարարության խոսնակ Մարիա Զախարովան հայտարարել է.«ԱՄՆ կառավարությունը 700 միլիոն դոլար է հատկացնում Ռուսաստանին դիմակայելու համար: Սակայն ավելի լավ է այդ գումարը հատկացնի գիտական հետազոտություններին կամ մարդասիրական օգնություններին»:
Ինչպես հաղորդում է «Իզվեստիա» օրաթերթը, Ռուսաստանի Դաշնության Դաշնային խորհրդի միջազգային հարցերով հանձնաժողովի նախագահ Լեոնիդ Սլուցկին ևս ասել է.«ԱՄՆ-ի 2021թ․ ֆինանսական տարվա բյուջեի նախագծում Ռուսաստանին դիմակայելու համար բյուջեի հատկացումը և պատժամիջոցների կիրառումը չեն կարող թուլացնել Ռուսաստանին»:
Նշենք, որ ԱՄՆ-ի Ներկայացուցիչների պալատում մեծամասնություն կազմող դեմոկրատները սկզբից դեմ են արտահայտվել այդ երկրի նախագահ Դոնալդ Թրամփի առաջարկած բյուջեի նախագծին, քանի որ այդ նախագծով կրճատվում է սոցիալական ծրագրերին հատկացվելիք բյուջեն:
ԱՄՆ կառավարությունը մտադիր է 2021 թվականի ֆինանսական տարում այդ երկրի պետդեպարտամենտի համար նախատեսված բյուջեում ավելի քան 700 միլիոն դոլար հատկացնել Ռուսաստանին դիմակայելու ծախսերին:
