ԱՄՆ-ի քաղաքացները վախը՝ առևտրի ցանցերում բժշկական դիմակների պակասից
ԱՄՆ-ի պաշտոնյաները հայտարարել են, որ բնակչության շրջանում բժշկական դիմակների ու այլ պարագաների պակասի վախն ու դրանց պահանջարկի աճը բարդացրել են հանրախանութների ու դեղատների աշխատանքը:
Պաշտոնյաները զգուշացրել են, որ կորոնավիրուսի տարածմանը զուգահեռ բժշկական դիմակների ու այլ պարագաների պահանջարկի կտրուկ աճը, բարդություններ է առաջացրել դրանք ձեռքբերելու հարցում:
Եվրոպական երկրներից, այդ թվում՝ Ֆրանսիայից, Իտալիայից և Գերմանիայից ստացվող հաղորդումների համաձայն, այնտեղ նույնպես առկա է բժշկական դիմակների ու առոջապահական այլ պարագաների պակաս:
Associated Press-ի հաղորդման համաձայն, ԱՄՆ-ի Կալիֆորնիա նահանգում աճել է բժշկական դիմակների, սննդի և առաջին անհրաժեշտության պարագաների պահանջարկը:
ԱՄՆ հիվանդությունների վերահսկման և կանխարգելման կենտրոնները (CDC) հայտարարել է, որ երկրում այս պահին գրանցվել է կորոնավիրուսով վարակվելու 62 դեպք:
