Ամերիկացի բուժաշխատողները բողոքում են կորոնավիրուսի դեմ պաշտպանիչ միջոների բացակայությունից

Ամերիկացի բուժաշխատողների ասոցիացիան դատապարտել է կորոնավիրուսի դեմ պայքարի համար համապատասխան միջոցների բացակայությունը:

Միության ղեկավար Ջեյն Ռոսսը երեկ  տարածած հայտարարության մեջ ասել է. «HCA Holdings-ի կողմից կառավարվող հիվանդանոցների բուժաշխատողները բողոքում են աշխատանքային պայմաններից և համապատասխան պաշտպանիչ պարագաների բացակայությունից»:

ԱՄՆ-ի յոթ նահանգներում, վերոնշյալ ընկերության կողմից ղեկավարվող հիվանդանոցներում աշխատող բուժքույրերը ապրիլի 3-ին գործադուլով պահանջում են ապահովել ավելի լավ աշխատանքային պայմաններ:

Համաձայն վերջին վիճակագրության ԱՄՆ-ում կորոնավիրուսով վարակվել է մոտ 215 հազար և մահացել ավելի քան  հինգ հազար  մարդ: