Բրիտանիան շարունակում է մնալ ռեպրեսիվ ռեժիմների զենքի հիմնական մատակարարը
Հրապարակված վիճակագրական տվյալների համաձայն, Բրիտանիայի կառավարությունը կտրուկ ավելացրել է զենքի վաճառքը ռեպրեսիվ ռեժիմներին:
Guardian թերթի փոխանցմամբ՝ զենքի վաճառքի վերաբերյալ Բրիտանիայի կառավարության պաշտոնական տվյալները ցույց են տալիս, որ 2018 թվականի համեմատությամբ, 2019 թվականին Լոնդոնը մեկ միլիարդ ֆունտ ստերլինգով ավելացրել է զենքի վաճառքը ռեպրեսիվ ռեժիմներին:
Այդ ավելացումը գնահատվել է ավելի քան 300 տոկոս, ինչն արժանացել է զենքի վերահսկմանն աջակցող խմբերի խիստ քննադատությանը։
Այդ խմբերը համոզված են, որ Բրիտանիայի կառավարությունն իր շահերը գերադասում է մարդու իրավունքներից։
Զենքի վաճառքի վերաբերյալ վիճակագրական տվյալների համաձայն՝ Բրիտանիայի կառավարությունը 2019 թվականին երեք միլիարդ ֆունտ ստերլինգ արժողությամբ զենք է վաճառել այն 48 երկրից 26-ին, որոնց «Ազատության տուն» Freedom House իրավապաշտպան կազմակերպությունը ճանաչել է որպես ռեպրեսիվ ռեժիմներ։
Բրիտանիայի կառավարությունը Սաուդյան Արաբիայի զենքի հիմնական մատակարարողներից է:
