Հյուսիսային Կորեա. «ԱՄՆ պետքարտուղարն անհեթեթ հայտարարություններ է անում»
Հս. Կորեան տարածել է մի հաղորդագրություն, որում Մայք Պոմպեոյին բնութագրել է որպես անհեթեթ հայտարարություններ անող անձ և նշելովմ որ Վաշինգտոնը իրավասու չէ քննադատել Պեկինին: ԱՄՆ պետքարտուղարը վերջերս հայտարարել էր, որ «Չինաստանը սպառնում է արևմտյան արժեքներին»:
Հս. Կորեայում իշխող Աշխատավորական կուսակցության միջազգային հարցերի վարչության հինգշաբթի օրը հրապարակած հաղորդագրության մեջ ասված է. «ԱՄՆ-ի պետքարտուղարն առաջին անգամը չէ, որ նման հայտարարություն է անում: Ավելի վաղ նա նման անհեթեթ հայտարարություններ է հնչեցրել Հոնկոնգի, Թայվանի և մարդու իրավունքների վերաբերյալ:
Հաղորդագրության մեջ ասված է.«Միացյալ Նահանգներն իր դաշնբակիցների հետ շարունակում է հետևել, ամբողջ աշխարհը կառավարելու ռազմավարությանը»:
Հս. Կորեայի իշխող Աշխատավորական կուսակցության միջազգային հարցերի վարչությունը հավելել է. «Այն դեպքում երբ ԱՄՆ-ն ինքը մարդու իրավունքների ամենամեծ խախտողն է և ներկայումս էլ այդ երկրում տեղի են ունենում հակառասիստական խոշոր բողոքի ցույցեր, Վաշինգտոնն իրավունք չունի մարդու իրավունքների և նմանօրինակ հարցերով քննադատել Չինաստանին»: