ՆԱՏՕ-ն արձագանքել է Թուրքիայում S-400 համակարգի փորձարկման մասին լուրերին
ՆԱՏՕ-ն և ԱՄՆ-ն բացասաբար են արձագանքել Թուրքիայում S-400 համակարգի փորձարկման մասին լուրերին:
Հյուսիսատլանտյան դաշինքը կիրակի օրը հայտարարություն է տարածել, որում քննադատել է Թուրքիայում ռուսական S-400 հրթիռային համակարգի փորձարկումը և Անկարային կոչ արել ընտրել այլ ՀՕՊ համակարգ:
Պենտագոնը հայտարարել է, որ եթե Թուրքիայում S-400 համակարգի փորձարկման մասին լուրերը ճշմարտություն լինեն, դա խստորեն դատապարտելի կլինի:
Ռոյթերս գործակալությունը հաղորդել է, որ ունի տեսանյութ, որում երևում է, որ ուրբաթ օրը, Սև ծովի առափնյա շրջանից, որտեղ թուրքական զինուժը պետք է տեղակայեր ռուսական S-400 համակարգը, հրթիռ է արձակվել:
ԱՄՆ-ն բազմիցս նախազգուշացրել է Թուրքիային, որ կարող է պատժամիջոցներ սահմանել Անկարայի նկատմամբ՝ Ռուսաստանից S-400 համակարգեր գնելու դեպքում:
