ՆԱՏՕ-ն չեզոք դիրքորոշում ունի Լեռնային Ղարաբաղի հակամարտության կապակցությամբ
Հոկտեմբեր 23, 2020 12:01 Asia/Tehran
Հյուսիսատլանտյան դաշինքի գլխավոր քարտուղարը (ՆԱՏՕ) հայտարարել է, որ կազմակերպությունը չեզոք դիրքորոշում ունի Լեռնային Ղարաբաղի հակամարտության կապակցությամբ:
«ՆԱՏՕ-ն Լեռնային Ղարաբաղի հակամարտության կողմ չէ», -Բրյուսելում ՀՀ նախագահ Արմեն Սարգսյանի հետ հանդիպումից հետո հինգշաբթի օրը կայացած մամուլի ասուլիսում ասել է ՆԱՏՕ-ի գլխավոր քարտուղար Յենս Ստոլտենբերգը:
Ստոլտենբերգը հավելել է, որ ՆԱՏՕ-ն անհանգստացած է Լեռնային Ղարաբաղում հրադադարի ռեժիմի խախտմամբ:
«Անընդունելի է քաղաքացիական անձանց թիրախավորումը, և դա պետք է անհապաղ դադարեցվի», - ասել է նա:
ՆԱՏՕ-ի անդամ Թուրքիան Ադրբեջանի գլխավոր աջակիցն է Լեռնային Ղարաբաղի պատերազմում:
Պիտակ
