Ղրղզստանում կանցկացվի խորհրդարանական կառավարման համակարգը նախագահականի փոխելու մասին հանրաքվե
Ղրղզստանի հանրապետության նախագահի մամուլի ծառայությունը հայտարարել է, որ ապրիլի 11-ին կանցկացվի երկրի Սահմանադրության մեջ փոփոխություններ մտցնելու և խորհրդարանական կառավարման համակարգը նախագահականի փոխելու մասին հանրաքվե: Ղրղզստանում նույն օրը միաժամանակ տեղի կունենան նաև տեղական ինքնակառավարման մարմինների ընտրություններ:
Ղրղզստանի պաշտոնական լրատվական գործակալության՝ AKIpress-ի հաղորդման համաձայն՝ Ղրղզստանի նախագահ Սադիր Ժապարովը համաձայնել է հանրաքվեի անցկացման հետ միաժամանակ նաև այդ երկրի 26 քաղաքներում և 420 գյուղերում անցկացնել տեղական ինքնակառավարման մարմինների ընտրություններ:
Հանրաքվեի մասնակիցներն իրենց կարծիքն են հայտնելու պառլամենտական համակարգը նախագահականի փոխելու վերաբերյալ:
Նոր օրենքով նախատեսվում է կրճատել խորհրդարանի անդամների թիվը և 120-ից իջեցնել 90-ի:
Ղրղզստանի կառավարման համակարգը 1991-ից 2010 թվականներին նախագահական էր, իսկ 2010-ի հանրաքվեի արդյունքում երկրում ընդունվեց խորհրդարանական կառավարման ձևը:
