Հյուսիսային Կորեայի առաջնորդը կարգադրել է ուժեղացնել այդ երկրի ռազմական հզորությունը
Զինվորականների հետ հանդիպման ժամանակ Հյուսիսային Կորեայի առաջնորդը շեշտել է երկրի ռազմական հզորությունն ուժեղացնելու անհրաժեշտությունը:
Հյուսիսային Կորեայի պաշտոնական լրատվական գործակալությունը հաղորդել է, որ Կիմ Չեն Ընն այդ մասին խոսել է երեկ կայացած երկրի Կենտրոնական ռազմական հանձնաժողովի նիստում:
Կորեական լրատվական գործակալությունը մանրամասներ չի հաղորդել ռազմական հիմքերը ամրապնդելու Կիմ Չեն Ընի պահանջի մասին:
Հյուսիսային Կորեայի առաջնորդը, որը նախագահում էր նիստը, նույնպես կոչ է արել ամենաբարձր մակարդակում պատրաստվածության բերել զինված ուժերին, միաժամանակ ընդգծելով Կորեական թերակղզու արագ փոփոխությունների իրականացման անհրաժեշտությունը:
Հյուսիսային Կորեայի զինաթափման և այդ երկրի հրթիռային ծրագրի դադարեցման նպատակով Արևմուտքի հատկապես Միացյալ Նահանգների միջամտողական քայլերն ապակայունացրել են Կորեական թերակղզին:
