Տոկիոյում, առանց հանդիսատեսի, մեկնարկում են օլիմպիական խաղերը

Երկու շաբաթից, մեկ տարի ուշացումով, Տոկիոյում կմեկնարկեն օլիմպիական խաղերը:

Խաղերի անցկացումը հետաձգվել էր ավելի քան մեկ տարի առաջ՝կորոնավիրուսի պանդեմիայի պատճառով:

Խաղերի մեկնարկից երկու շաբաթ առաջ, մարզիկները ժամանում են Տոկիո: Օլիմպիական ավանի բացումը տեղի ունեցավ երեքշաբթի օրը: 44 հա տարածք զբաղեցնող  գյուղն ունի 21 բնակելի շենք և ճաշասրահ  բաց կլինի խաղերի մեկնարկից երեք օր հետո: 

Ավանում գործում է կլինիկա, որտեղ ամեն օր իրականացվելու է  կորոնավիրուսի թեստավորում: Թեստաորումը և  Ավանում բնակվող 18 հազար մարզիկների ու պաշտոնյաների կողմից դիմակ կրելը նախազգուշական միջոցներ են՝ վիրուսի տարածումը կանխելու նպատակով:  

Մի շարք օլիմպիական հավաքականներ Ճապոնիա են ժամանել հուլիսի սկզբից  և ակնկալվում է, որ առաջիկա հինգ օրվա ընթացքում կժամանի ևս  2200 մարզիկ: