Կուբայի նախագահ. ԱՄՆ-ը ձախողել է Կուբան ոչնչացնելու իր ծրագիրը
Կուբայի նախագահը հայտարարել է, որ ԱՄՆ-ը ձախողել է Կուբան ոչնչացնելու իր ծրագիրը:
Կուբայի նախագահ Միգել Դիաս-Քանելը վերջերս իր ելույթի ժամանակ, պատասխանելով ԱՄՆ նախագահ Ջո Բայդենի վերջերս արված այն հայտարարություններին, թե Կուբան ձախողված պետություն է, ասել է, որ ԱՄՆ-ն միլիարդավոր դոլարներ է ծախսել իր ծրագրերի վրա, բայց ձախողել է:
Ավելի վաղ Կուբայի արտաքին գործերի նախարար, Բրունո Ռոդրիգեսը քննադատել էր Կուբայում ԱՄՆ նախագահ Ջո Բայդենի կառավարության միջամտողական քաղաքականությունն ասելով, որ Վաշինգտոնը բյուջե է հատկացրել Հավանայի տապալման համար, և որ ԱՄՆ-ը Կուբայում տնտեսական ճգնաժամի գլխավոր պատճառն է:
Կուբան այն երկիրն է, որ 1958 թվականից ենթարկվում է ԱՄՆ առևտրի, տնտեսական և ֆինանսական պատժամիջոցների, և հենվելով իր ներքին կարողություններին կարողացել է դիմակայել ԱՄՆ պատժամիջոցներին:
