Փարիզում բախումներ են տեղի ունեցել մայիսմեկյան ցույցերի ժամանակ
Փարիզում մայիսմեկյան ցույցերի ժամանակ ձերբակալվել է ավելի քան 50 մարդ, ավերվել են տասնյակ խանութներ և վիրավորվել են մի քանի հրշեջներ:
Տասնյակ հազարավոր ցուցարարներ կիրակի օրը՝ Ֆրանսիայի նախագահական ընտրություններից մեկ շաբաթ անց, դուրս են եկել Փարիզի փողոցներ՝ նշելու մայիսի 1-ը՝ Աշխատավորների միջազգային օրը: Ցույցի ընթացքում ավերվել են տասնյակ խանութներ, վիրավորել են ութ հրշեջներ, ոստիկանությունը ձերբակալել է առնվազն 50 հոգու և արցունքաբեր գազ է կիրառել ցուցարարներին ցրելու համար։ .
Արհմիությունները և ուսանողական կազմակերպությունները գլխավորում էին Էմանուել Մակրոնի դեմ բողոքի ցույցերը՝ պահանջելով բարձրացնել աշխատավարձերը, աջակցել հանրային ծառայություններին և ավելի հարմարվող կլիմայական քաղաքականություն որդեգրել:
Հաղորդվում է, որ Փարիզի ոստիկանների և սևազգեստ երիտասարդների միջև բախումներ են տեղի ունեցել, մի շարք խանութներ ավերվել են, որոշ շրջաններում հրդեհներ են բռնկվել։
Որոշ ցուցարարներ կոտրել են բանկերի ապակիները և հակակապիտալիստական հաղորդագրություններ գրել McDonald's-ի ռեստորանների մուտքերի մոտ։ Ոստիկանությունը նաև արցունքաբեր գազ է կիրառել որոշ փողոցներում։
