Ռուսաստանի նախագահը հաջորդ շաբաթ կայցելի Իրան

Իրանի Իսլամական խորհրդարանի տնտեսական հանձնաժողովի ղեկավարը հայտարարել է, որ Ռուսաստանի նախագահը հաջորդ շաբաթ կայցելի Իրան և Իրանի ու Ռուսաստանի միջև տնտեսական համագործակցության զարգացման պլանավորումը կլինի երկու երկրների նախագահների միջև խորհրդակցությունների առաջնահերթությունը։

Իրանի Իսլամական խորհրդարանի տնտեսական հանձնաժողովի ղեկավար Մոհամմադռեզա Փուր Էբրահիմին ԻՌՆԱ-ի հետ զրույցում, անդրադառնալով Կենտրոնական բանկի ղեկավարի հետ Ռուսաստան կատարած իր այցին և դրամավարկային ու բանկային համաձայնագրերին, նշել է, որ Ռուսաստանի նախագահ Վլադիմիր Պուտինը հաջորդ շաբաթ կայցելի Իրան:

Փուր Էբրահիմին հայտարարել է, որ Իրանի Իսլամական Հանրապետության նախագահ Սեյեդ Էբրահիմ Ռայիսիի Ռուսաստան կատարած վերջին այցից հետո Ռուսաստանում դրական մթնոլորտ է ստեղծվել Իրանի հետ տնտեսական համագործակցության առումով: Նա նշել է, որ ԱՄՆ-ի և Եվրոպայի կողմից Ռուսաստանի դեմ պատժամիջոցների պատճառով Ռուսաստանն առավել քան երբևե կարիք ունի ընդլայնել  Իրանի հետ տնտեսական համագործակցությունը: