Գերմանիան մտահոգված է Թուրքիայում պատգամավորներին անձեռնմխելիությունից զրկելու կապակցությամբ

Գերմանիան իր մտահոգությունն է հայտնել Թուրքիայի խորհրդարանում մի շարք պատգամավորներին անձեռնմխելիությունից զրկելու սահմանադրական փոփոխությունների առաջարկի ընդունման հետ կապված: Ինչպես հաղորդում է ermenihaber-ը՝ հղում կատարելով «Hurriyet» պարբերականին, այս մասին հայտնել է Գերմանիայի կառավարության խոսնակ Շտեֆան Սայբերթը:

Սայբերթ խոսքով՝ նշյալ հարցն առաջիկայում քննարկվելու է Թուրքիայի նախագահ Ռեջեփ Թայիփ Էրդողանի և Գերմանիայի կանցլեր Անգելա Մերկելի միջև կայանալիք հանդիպման ժամանակ:

Նշենք, որ վերջիններս մասնակցելու են մայիսի 23-24-ը Ստամբուլում կայանալիք Մարդու իրավունքների գագաթնաժողովին:

armedia.am

21/5/2016