Բաքվում կայանալու է Իրանի, Ադրբեջանի և Ռուսաստանի եռակողմ հանդիպումը

Բաքվում Իրանի դեսպանն ասել է, որ հաջորդ շաբաթ Բաքվում կկայանա Իրանի, Ադրբեջանի և Ռուսաստանի եռակողմ հանդիպումը։

ԻՌՆԱ-ի հաղորդման համաձայն, Ադրբեջանում Իրանի Իսլամական Հանրապետության դեսպան Սեյյեդ Աբբաս Մուսավին ուրբաթ օրը, հանդիպել և զրուցել է Ադրբեջանի փոխվարչապետ, Իրանի հետ համատեղ տնտեսական հանձնաժողովի նախագահ Շահին Մուստաֆաևի հետ:

Հանդիպմանը մտքերի փոխանակում է տեղի ունեցել երկու երկրների տնտեսական և առևտրային հարաբերությունների վերջին զարգացումների, այս տարվա ընթացքում դրանց 22 տոկոս աճի, ինչպես նաև հատկապես տրանսպորտային ոլորտում համատեղ նախագծերի մասին:

Հայտարարվել է, որ հաջորդ շաբաթ Բաքվում կկայանա Իրանի, Ադրբեջանի և Ռուսաստանի եռակողմ հանդիպումը տարածաշրջանային տրանսպորտային միջանցքների, հատկապես Հյուսիս-Հարավ միջանցքի և Ռաշտ-Աստարա երկաթուղու վերաբերյալ։