Փարիզում Սիրիական Քրդստանի ներկայացուցչություն Է բացվել
Ֆրանսիայում մայիսի 23-ին պաշտոնապես բացվել Է Սիրիական Քրդստանի (Ռոժավայի ինքնավարության) ներկայացուցչությունը, տեղեկացնում Է «Արմենպրես»-ը:
«Սա կարեւոր պատմական պահ Է մեր ժողովրդի համար: Այդ գրասենյակը մեր բնակչության բոլոր խմբերի՝ քրդերի, արաբների, ասորիների եւ մյուս բոլորի ներկայացուցչությունն Է: Այժմ մեր համատեղ խնդիրն Է պայքարել ահաբեկչության դեմ, հաստատել կայուն խաղաղություն»,- ասել Է Եվրոպայի եւ ԱՄՆ-ի երկրներում Սիրիական Քրդստանի Ինքնավար Տարածաշրջանի ներկայացուցիչ Սենամ Մուհամեդը:
Փարիզը դարձել Է աշխարհի չորրորդ քաղաքը, որտեղ Սիրիական Քրդստանի ներկայացուցչություն Է գործում: Մինչ այդ նման գրասենյակներ Էին բացվել Բեռլինում, Ստոկհոլմում եւ Մոսկվայում:
Սիրիացի քրդերը մարտ ամսվա կեսերին հայտարարել են Հյուսիսային Սիրիայի Դաշնություն ֆեդերատիվ տարածաշրջանի ստեղծման մասին: Պաշտոնական Դամասկոսում քննադատել են այս նախաձեռնությունը, հաղորդել Է ՌԻԱ Նովոստին:
