Աստանայում տեղի է ունեցել Պուտին-Էրդողան հանդիպումը
Աստանայում Ասիայում փոխգործակցության և վստահության միջոցների ամրապնդման համաժողովի (CICA) գագաթնաժողովի շրջանակներում սկսվել է Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպումը։
«Նախագահ Էրդողանի և Ռուսաստանի Դաշնության նախագահ Վլադիմիր Պուտինի հանդիպումը սկսվել է»,- ասվում է հայտարարությունում։
Ավելի վաղ այս զրույցի մասին, ի թիվս այլ բաների, հայտարարել էր անձամբ Թուրքիայի ղեկավարը։ Նա պարզաբանել է, որ հոկտեմբերի 13-ին ծրագրում է ռուսական պետության ղեկավարի հետ քննարկել Ուկրաինայում դիվանագիտական կարգավորման հնարավորությունը և այս գործընթացում Անկարայի միջնորդությունը։
ՌԴ ԱԳ նախարար Սերգեյ Լավրովը նշել է, որ Թուրքիան այս զրույցի ընթացքում կարող է բարձրացնել Մոսկվայի և արևմտյան երկրների միջև երկխոսություն կազմակերպելու հարցը, եթե դրանով իսկապես շահագրգռված լինի։ Ավելի վաղ ԶԼՄ-ները հայտնել էին, որ Անկարան նախաձեռնել է ընդունել Մոսկվայի, Բեռլինի, Վաշինգտոնի, Լոնդոնի և Փարիզի ներկայացուցիչներին։ Սակայն, ինչպես հայտնել են Կրեմլում, Ռուսաստանը դիվանագիտական ուղիներով դեռ որևէ կոնկրետ առաջարկ չի ստացել այդ հարցի վերաբերյալ։
