ԱԱ 2022. Պորտուգալիայի «գոլերի փառատոնը» և Մարոկկոյի հաղթանակն Իսպանիայի նկատմամբ
Կատարում ընթացող Ֆուտբոլի աշխարհի առաջնության 1/8 եզրափակչի վերջին խաղում Պորտուգալիան 6:1 հաշվով հաղթեց Շվեյցարիային և Ռոնալդուին փոխարինած ֆուտբոլիստի փայլուն խաղի շնորհիվ դուրս եկավ քառորդ եզրափակիչ:
Ռոնալդուն խաղի մեջ մտավ 73-րդ րոպեից: Նրան փոխարինած Գոնսալո Ռամոսը հեթ-տրիկի հեղինակ դարձավ՝ 17-րդ, 51-րդ և 67-րդ րոպեներին խփած գոլերով: Սա Կատարի առաջնության առաջին հեթ-տրիկն էր:
Քառորդ եզրափակչում Պորտուգալիան կհանդիպի Մարոկկոյի ընտրանու հետ, որը 11 մետրանոց գոլերով հաղթանակ տարավ Իսպանիայի հավաքականի նկատմամբ: Մարոկկոյի հավաքականը, դարպասապահ Յասին Բոնոյի փայլուն խաղի շնորհիվ, անակնկալ կերպով դուրս մղեց Իսպանիային և դուրս եկավ քառորդ եզրափակիչ:
Մարոկկո-Շվեյցարիա հանդիպումն ավարտվելց առանց գոլի: Խաղի հիմնական ժամանակին երկու անգամ ավելացվեց 15 րոպե:
Տուգանային հարվածների ժամանակ Մարոկկոյի հավաքականը փայլուն հաղթանակ տարավ Իսպանիայի ընտրանու նկատմամբ։
Խաղի ավելացված ժամանակի ընթացքում Մարոկկոյի դարպասապահը կանխեց Իսպանիայի երեք 11 մետրանոց հարվածները, իսկ Մարոկկոյի 4 հարվածներից 3-ը գրավեցին Իսպանիայի դարպասը, 3:0 հաշվով հաղթանակ պարգևելով մարոկկացիներին և մրցաշարից դուրս թողնելով իսպանացիներին:
