Սպիտակ տուն. Ուկրաինան հաջողությամբ կիրառում է կասետային ռումբերը

Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին հայտարարել է. «Ամերիկյան կասետային ռումբերն այժմ գտնվում են ուկրաինացի զինվորականների ձեռքում, և նրանք արդյունավետորեն օգտագործում են դրանք»։

Քիրբին նշել է. «Ուկրաինայի ռազմական ուժերը ճիշտ են օգտագործում կասետային ռումբերը և ազդում Ռուսաստանի պաշտպանական կարողության վրա»։

Ավելի վաղ New York Times-ը, հղում անելով Պենտագոնի պաշտոնյաներին, հայտնել էր, որ Եվրոպայում ամերիկյան ռազմական պահեստներից անցյալ շաբաթ հարյուր հազարավոր կասետային ռումբեր են ուղարկվել Ուկրաինա:

Ըստ այդ հաղորդման՝ ԱՄՆ-ը հույս ունի, որ այդ տեսակի ռումբերի տրամադրումը Ուկրաինային թույլ կտա «մոտ ապագայի համար կանխատեսել պատերազմի ընթացքը»։