Ֆրանսիան կրճատում է Աֆրիկայում իր ռազմական ներկայությունը

Ֆրանսիան հայտարարել է Արևմտյան և Կենտրոնական Աֆրիկայի երկրներում ռազմական ներկայությունը կրճատելու մտադրության մասին։

Տասնամյակներ շարունակ, անվտանգության հաստատման, ահաբեկչության դեմ պայքարի և այլ  պատրվակներով, Ֆրանսիան  ռազմական ուժ է տեղակայել  Արևմտյան և Կենտրոնական Աֆրիկայում։

Pars Today-ի փոխանցմամբ՝ Ֆրանսիայի նախագահ Էմանուել Մակրոնի որոշմամբ՝  Փարիզը ծրագրում է աֆրիկյան երկրներում  իր ռազմական ներկայությունը կրճատել մինչև 600 զինծառայողի։

Այս որոշումն ընդունվել է որոշ նախկին ֆրանսիական գաղութներում հակաֆրանսիական տրամադրությունների աճի պատճառով։ Ըստ կառավարությանը մոտ կանգնած աղբյուրների՝ Փարիզը   Գաբոնում և Սենեգալում կպահի 100-ական  զինվորական։ Ֆրանսիան երկար ժամանակ ռազմական ուժ ունի Մալիում, Նիգերում և այլ շրջաններում։ Պատճառաբանությունն ահաբեկչության դեմ պայքարն է։ Սակայն վերջին տարիներին աֆրիկյան երկրների քաղաքացիները բողոքում են այդ ներկայությունից, նշելով, որ ֆրանսիացի զինվորների գործողությունները ծառայում են Ֆրանսիայի շահերին: Ֆրանսիան իր ոսկու մի մասը ներմուծում է Գվինեայից, ուրանը՝ Նիգերից, նավթը՝ Գաբոնից, կակաոն՝ Կոտ դ'Իվուարից։  Նույնիսկ Ֆրանսիայի մեդալակիր մարզիկները նախկին գաղութատիրական երկրներից են:

Վերջին տարիներին , աֆրիկյան որոշ երկրներում սկսել են ազատագրական  շարժումներ և աֆրիկացիներն այլևս չեն հանդուրժում ֆրանսիացի և այլ օտարերկրյա  զինվորականների ներկայությունը։