Ասիական ՆԱՏՕ-ն ԱՄՆ-ի համար պատերազմ հրահրելու և զենք վաճառելու հնարավորություն է
Հյուսիսային Կորեայի ԱԳՆ-ն արձագանքել է Ասիայում ռազմական դաշինք ստեղծելու ԱՄՆ-ի, Ճապոնիայի և Հարավային Կորեայի ջանքերին, այդ գործողությունները որակելով որպես սպառնալիք տարածաշրջանի կայունությանը:
Դատապարտելով Հարավային Կորեայի Ջեջու կղզում օրերս անցկացված «Ազատության եզր» անվամբ ԱՄՆ-ի, Հարավային Կորեայի և Ճապոնիայի եռակողմ զորավարժությունները, Հյուսիսային Կորեայի ԱԳՆ-ն հայտարարել է, որ 3 երկրների հարաբերությունները նման են ՆԱՏՕ-ի լիարժեք և ասիական տարբերակին։
Pars Today-ի հաղորդմամբ՝ Հյուսիսային Կորեայի ԱԳՆ-ն հայտարարել է, որ ԱՄՆ-ի և նրա դաշնակիցների գործողությունները սպառնալիք են տարածաշրջանի համար և որ Փհենյանը չի անտեսի տարածաշրջանում ԱՄՆ-ի ու իր դաշնակիցների ղեկավարությամբ ռազմական բլոկի ամրապնդումը և կպաշտպանի տարածաշրջանային խաղաղությունը «վճռական պատասխանով»։
Ավելի վաղ «Չինաստանի կենտրոնական ռազմական հանձնաժողովում» միացյալ շտաբի պետի տեղակալը հայտարարել էր, որ ԱՄՆ-ն ամենամեծ մարտահրավերն է տարածաշրջանային անվտանգության և կայունության համար։
Նա նշել էր․ «Վաշինգտոնը ձգտում է Ասիա-խաղաղօվկիանոսյան տարածաշրջանում ստեղծել ՆԱՏՕ-ի նման դաշինք՝ տարածաշրջանում իր գերիշխանությունը պահպանելու համար»: