Իրանի հզորության ցուցադրումը համաշխարհային ուժի նոր առանցքում
ԲՐԻԿՍ խմբին Իրանի և մի շարք այլ երկրների միանալուց հետո կայացած՝ անդամ երկրների ղեկավարների հանդիպումը միաջզգային ասպարեզում նոր առանցքի ձևավորման սկիզբ է։ Առանցքը, որն Արևմուտքի հեգեմոնիայի պայմաններում կապահովի նոր տնտեսական, քաղաքական կարողություններ և մարտահրավերային ազդեցություն։
ԻՌՆԱ-ի հաղորդմամբ՝ երեքշաբթի օրը ՌԴ Կազան քաղաքում մեկնարկած գագաթնաժողովի շրջանակներում, ԲՐԻԿՍ 10 անդամ և խմբի հետ համագործակցելու ցանկություն ունեցող 28 երկրների ղեկավարներն ու բարձրաստիճան պաշտոնյաներն ինտենսիվ բանակցություններ են վարել տնտեսական կարևորագույն հարցերի և քաղաքական, անվտանգության խնդիրների ու միջազգային զարգացումների շուրջ։
ԲՐԻԿՍ խումբը, գերազանցելով G7 խմբին, որը ՆԱՏՕ-ին զուգահեռ տնտեսական, առևտրային և քաղաքական ոլորտներում հանդիսանում է արևմտյան դաշինքի հիմքը, խոստանում է նոր դարաշրջան, որտեղ վիճարկվելու է արևմտյան մեխանիզմների և Արևմուտքի գերիշխանության տակ գտնվող իրավական, տնտեսական, առևտրային և ֆինանսական ռեժիմների գերակայությունը:
ԻԻՒՀ նախագահ Մասուդ Փեզեշքյանի առաջին մասնակցությունը ԲՐԻԿՍ գագաթնաժողովին, հաշվի առնելով ոչ արևմտյան աշխարհի ոսկե հնարավորությունները, ինչպես նաև Արևմտյան Ասիայի տարածաշրջանի գերլարված վիճակը, հատուկ հնարավորություն է ընձեռում Իսրայելի հանցագործությունների և դրանց Արևմուտքի ցուցաբերած աջակցության դեմ գլոբալ կոնսենսուսի համար։
ԲՐԻԿՍ անդամ երկրների ղեկավարները չորեքշաբթի օրը դատապարտել են իսրայելական ռեժիմի հարձակումը Սիրիայում Իրանի հյուպատոսության վրա և ընդգծել Գազայում «անհապաղ, համապարփակ և մշտական հրադադարի» հաստատման անհրաժեշտությունը։
Անդամ երկրների ղեկավարները խորը մտահոգություն են հայտնել օկուպացված պաղեստինյան տարածքներում Սիոնիստական ռեժիմի հանցագործությունների հետևանքով իրավիճակի վատթարացման և հումանիտար ճգնաժամի սրման, ինչպես նաև Գազայի հատվածում ու Հորդանան գետի Արևմտյան ափին բռնության աննախադեպ աճի կապակցությամբ, կոչ անելով Գազայի հատվածում հաստատել անհապաղ, համապարփակ և մշտական հրադադար և ազատ արձակել երկու կողմերի գերիներին։
Իրանի կարևոր քայլերին և վերջին շաբաթների ընթացքում ԱԳ նախարար Արաղչիի դիվանագիտական ջանքերին զուգահեռ, պետք է ևս մեկ անգամ քննարկել ԲՐԻԿՍ-ի նման խմբերի կարևորոևւթյունը։
Յանկիների գերակայությունն ավարտվում է
Մի քանի տասնամյակ առաջվա համեմատ, տնտեսական հզորության ցուցանիշների մեծ մասում ԱՄՆ-ն անկում է ապրել, և այդ ժամանակահատվածում նոր երկրները կարողացել են տնտեսական բարձր աճի շնորհիվ գրանցել ՀՆԱ-ի բարձր մակարդակ։