Քենիայում պատգամավորի են գնդակահարել

Քենիացի պատգամավոր Չարլզ Օնգոնդո Վերեն սպանվել է Նայրոբիում։ Այս մասին հայտնել է Citizen հեռուստաալիքը։

Հեռարձակող կորպորացիայի տվյալներով՝ միջադեպը տեղի է ունեցել Քենիայի մայրաքաղաքի խաչմերուկներից մեկում։ Ականատեսները պնդում են, որ երկու հարձակվողներ մոտոցիկլետով են եղել։ Նրանցից մեկը մոտ հեռավորությունից կրակ է բացել մեքենայում գտնվող Վերայի վրա, որից հետո երկու հարձակվողներն էլ փախել են հանցագործության վայրից։

Պատգամավորի վարորդը մնացել է ողջ և անվնաս, ինչը, ըստ հեռուստաալիքի, վկայում է, որ հարձակվողները թիրախավորել էին օրենսդիրը։

Կրակոցներին ականատես են եղել մոտակայքում գտնվող ճանապարհային ոստիկանության աշխատակիցները, սակայն նրանք չեն կարողացել կանգնեցնել հարձակվողներին։ Չարլզ Օնգոնդո Վերեին տեղափոխել են Նայրոբիի հիվանդանոց, որտեղ նրան մահացած են ճանաչել։

Հանցագործության դրդապատճառները մնում են անհայտ։ Ըստ «Դեյլի Նեյշն» թերթի՝ մոտ երկու ամիս առաջ Կասիպուլի ընտրատարածքը ներկայացնող Վերեն հայտարարել էր, որ իր կյանքը վտանգի տակ է։

news.am