Միրշայմեր. ԱՄՆ քաղաքականությունը Իրանի նկատմամբ ենթարկվում է իսրայելական լոբբիին
Միջազգային հարաբերությունների ականավոր տեսաբան Ջոն Միրշայմերը, խստորեն քննադատելով ԱՄՆ արտաքին քաղաքականությունը, իր վերլուծության մեջ նշել է. Վաշինգտոնի դիրքորոշումները Իրանի, Գազայի և Ուկրաինայի վերաբերյալ ձևավորվում են Իսրայելի լոբբիի և հատկապես սիոնիստական ռեժիմի պահանջների անմիջական ազդեցության ներքո։
Ինչպես հաղորդում է Pars Today-ը՝ հղում անելով ISNA-ին, Միրշայմերը ընդգծել է, որ Թրամփի վարչակազմը սկզբում պատրաստ էր համաձայնության գալ Իրանի հետ, և նույնիսկ նրա Մերձավոր Արևելքի հարցերով հատուկ ներկայացուցիչ Սթիվ Ուիթքոֆը համաձայն էր Իրանում ուրանի հարստացման ծրագրի սահմանափակ շարունակությանը։ Սակայն Իսրայելի և ամերիկյան անվտանգության մարմինների ուժեղ ճնշումից հետո Ուիթքոֆը հրաժարվեց իր դիրքորոշումից։ Միրշայմերը դիրքորոշման այս փոփոխությունը վերագրեց Վաշինգտոնի՝ Թել Ավիվի նկատմամբ «ենթարկվողականությանը», այլ ոչ թե անվտանգության նկատառումներին։
Նա հավելեց. «Միացյալ Նահանգները պատրաստ չէ ընդունել Իրանում ուրանի հարստացման որևէ մակարդակ, մինչդեռ դա Իրանի օրինական իրավունքն է՝ համաձայն միջազգային պայմանագրերի»։
Թրամփի և Նեթանյահուի միջև տարաձայնությունը․ ցուցադրական, թե՞ իրական։
Թրամփի և Նեթանյահուի միջև ենթադրյալ լարվածության մասին հարցին ի պատասխան՝ Մերշայմերը պատասխանել է. «Այս տարաձայնությունները հիմնականում ցուցադրական են, քանի որ Թրամփը գործնականում գործել է Թել Ավիվի պահանջներին համապատասխան՝ այնպիսի հարցերում, ինչպիսիք են Իրանը, Պաղեստինը և տարածաշրջանային քաղաքականությունը»։
Գազա․ Աղետ Արևմուտքի լուռ հավանությամբ
Միրշայմերը Գազայում տեղի ունեցող իրադարձությունները որակել է որպես «ցեղասպանության» դրսևորում և նշել, որ Իսրայելը սովն ու թերսնումը որպես պատերազմի գործիք է օգտագործում։ Հղում անելով զեկույցներին՝ նա ասաց, որ որոշ դեպքերում բեռնատարները սննդի փոխարեն տապաններ են տեղափոխում, և որ Գազայում օրական սննդի մասնաբաժինը սահմանափակվում է մեկ անձի համար չորս թխվածքաբլիթով։
Արևմտյան այս վերլուծաբանը զգուշացրեց, որ իսրայելական հասարակության լռությունը այս հանցագործությունների նկատմամբ նացիստական Գերմանիայի նման բարոյական փլուզման նշան է։