X-ի օգտատերեր. Թրամփը Սաուդյան Արաբիային համարում է կթու կով, այդքանը

X-ի օգտատերերը Սաուդյան Արաբիային որպես ՆԱՏՕ-ի անդամ չհանդիսացող խոշոր դաշնակից անվանելու ԱՄՆ-ի հայտարարությունը համարել են Վաշինգտոնի կողմից հերթական խաբեությունը։

ԱՄՆ նախագահ Դոնալդ Թրամփը չորեքշաբթի օրը Վաշինգտոնում կայացած ԱՄՆ-Սաուդյան Արաբիա ներդրումային ֆորումում ասել է. «Սաուդյան Արաբիան մեր գլխավոր՝ ՆԱՏՕ-ից դուրս  դաշնակիցն է: Մենք պլանավորում ենք Սաուդյան Արաբիային վաճառել մի քանի տեսակ խոշոր զենքեր»:

Թրամփն իր առաջին ժամկետի ընթացքում հայտարարել էր, որ սաուդացիները կթու կովեր են, և որ նա մտադիր է կթել նրանց որքան հնարավոր է շատ:

Pars Today-ի տվյալներով՝ X-ի օգտատերերը Ռիադը որպես ոչ ՆԱՏՕ դաշնակից ճանաչելու ԱՄՆ-ի քայլը համարել են ԱՄՆ-ի հերթական խաբեությունը:

Թարա անունով օգտատերը X-ում գրել է. «ԱՄՆ-ն պաշտոնապես Սաուդյան Արաբիային հռչակել է որպես ՆԱՏՕ-ից դուրս գտնվող հիմնական դաշնակից։ Մի՞թե սա նույն Սաուդյան Արաբիան չէ, որին անվանում էին կթու կով։  Բայց հիմա, երբ խոսքը նավթի և ամերիկյան շահերի մասին է,  կթու կովը դարձել է դաշնակից»։

Մահ Փեյման անունով օգտատերը գրել է. «Բին Սալմանի վերջին ընդունելությունը և F-35-ներ վաճառելու խոստումը նպատակ ունեն խաբել Սաուդյան Արաբիային՝ միանալու Աբրահամի համաձայնագրին»։

Ամիր անունով օգտատերը գրել է. «Սաուդյան Արաբիան պետք է իմանա, որ ամերիկյան զենքն օգտագործվում է միայն ամերիկացիների շահերի համար, և վերջ»։

Օգտատեր Յահյա Մահդավին Ռիադին անվանել է Վաշինգտոնի վասալ և գրել. «Մի՞թե որոշ արաբ ղեկավարներ կհամարձակվեն որևէ բան ասել ԱՄՆ-ի և Իսրայելի շահերի դեմ։ ԱՄՆ-ն ամեն ինչ զոհաբերում է իր սեփական շահերի համար»։

Հասնա Շարիֆին գրել է. «Հատուկ գվարդիայով, հեծյալներով և ռազմական ինքնաթիռներով կազմակերպված ընդունելությունն ինչի՞ համար էր, եթե ոչ՝ լցնելու Թրամփի դատարկ գանձատունը և թալանելու կթու կովին»։

Հաթամ անունով օգտատերը գրել է. «Բին Սալմանը գանձապետարանի փողերը ծախսում է Թրամփի վրա և հազարավոր պաղեստինցիների հանձնում սիոնիստ դահիճներին, քանի որ Թրամփը Գազայում Իսրայելի հանցագործությունների հանցակիցն է»։

Հուման անունով օգտատերը նշել է, որ Ռիադը հանձնվել է Վաշինգտոնին, և հանձնվելու գինը մեծ է դիմադրության արժեքից։

Մոնեյմ Համեդը գրել է. «Թրամփն օգտագործում է Սաուդյան Արաբիային՝ ԱՄՆ գանձարան մեկ տրիլիոն դոլար ներարկելու և ԱՄՆ-ի հնացած ռազմական արդյունաբերությունը վերակենդանացնելու համար»։

Հուսեյն Ֆասիհին՝ X-ի մեկ այլ օգտատեր, գրել է. «Սաուդյան Արաբիան կախված է դարի հանցագործից։ Թրամփը Ռիադին համարում է պարզապես կթու կով։ Այսքանը»։