Ժնեւում բացվում Է Սիրիային նվիրված հանդիպումը՝ ՌԴ - ԱՄՆ - ՄԱԿ ձեւաչափով
Ժնեւում հուլիսի 26-ին սկսվում Է՝ Ռուսաստան, ԱՄՆ եւ ՄԱԿ եռակողմ հանդիպումը՝ նվիրված Սիրիային:
Մասնակիցները կքննարկեն այդ երկրում խաղաղ կարգավորման առաջշարժման հետ կապված հարցերը, տեղեկացնում Է «Արմենպրես»-ը:
«Մենք կառուցողականորեն ենք տրամադրված աշխատելու մեր գործընկերների հետ եւ հուսով ենք, որ կհաջողվի առաջ շարժվել միջսիրիական բանակցությունների հարցում»,- ՏԱՍՍ-ին ասել Է ՌԴ-ի փոխարտգործնախարար Գենադի Գատիլովը, որը գլխավորում Է Ռուսաստանի պատվիրակությունը:
Ինչպես ՏԱՍՍ-ին հաղորդել Է Ժնեւում ՄԱԿ-ին կից Միացյալ Նահանգների ներկայացուցչության աշխատակից Փոլ Փեյթինը, կոնսուլտացիաներում ԱՄՆ-ը ներկայացնում Է Սիրիայի գծով երկրի նախագահի հատուկ դեսպնորդ Մայքլ Ռաթնին:
ՄԱԿ-ից կմասնակցի Սիրիայի գծով գլխավոր քարտուղարի հատուկ դեսպանորդ Ստեֆան դե Միստուրան:
Բանակցությունների օրակարգը, ինչպես նաեւ դրանց անցկացման վայրն ու ժամանակը չեն հրապարակվում: Միջոցառումը փակ կլինի մամուլի համար:
