Ալիևը ժամանել է Թուրքիա՝ մասնակցելու Համաշխարհային էներգետիկ ֆորումին

Ադրբեջանի նախագահ Իլհամ Ալիևը աշխատանքային այցով ժամանել է Թուրքիա՝ Ստամբուլում Համաշխարհային էներգետիկ XXIII ֆորումին մասնակցելու համար, որը տեղի կունենա հոկտեմբերի 9-13-ը: Այդ մասին կիրակի հայտնել է Ադրբեջանի ղեկավարի մամլո ծառայությունը:

«Ստամբուլի Աթաթյուրքի միջազգային օդանավակայանում, որտեղ փողփողում էին Ադրբեջանի և Թուրքիայի դրոշները, նախագահ Իլհամ Ալիևի պատվին շարք է կանգնեցվել պատվո պահակախումբը: Պատվո պահակախմբի պետը զեկույց է ներկայացրել նախագահ Իլհամ Ալիևին: Պետության ղեկավարը ողջունել է պատվո պահակախմբի զինվորներին»,- հայտնել է մամլո-ծառայությունը:

Հաղորդվում է, որ Ալիևին դիմավորել են պետության և կառավարության բարձրաստիճան պաշտոնյաներ:

Orer.am