ՄՔԴ-ից երկրների դուրս գալու գործընթացը մտահոգիչ է.Զեյդ Ռաադ ալ-Հուսեյն
Մարդու իրավունքների հարցերով ՄԱԿ-ի գերագույն հանձնակատար Զեյդ Ռաադ ալ-Հուսեյնը այսօր հայտարարել է.«Միջազգային քրեական դատարանին անդամակցությունից հրաժարվելու որոշ երկրների որոշումը ուղղակի հարված է մարդու իրավունքների խախտման զոհերին»:
Ինչպես հաղորդում է ԻՌՆԱ լրատվական գործակալությունը, Ռաադ ալ Հուսեյնը նշել է.«Միջազգային քրեական դատարանի անդամ խոշոր երկրները պետք է միջոցներ ձեռնարկեն, որպեսզի ցանկացողները չկարողանան հեշտությամբ լքել այս կառույցը»:
Ժնևում Իրաքի հարցով ՄԱԿ-ի մարդու իրավունքների խորհրդի անդամների ոչ-պաշտոնական նիստի շրջանակում Զեյդ Ռաադ ալ-Հուսեյնն ասել է.«Իրաքում իրավիճակը ողբերգական է»:
Նշենք,որ Սև մայրցամաքի երեք պետություններ՝ Հարավաֆրիկյան հանրապետությունը, Բուրունդին ու Գամբիան արդեն հրաժարվել են ՄՔԴ-ին իրենց անդամակցությունից, իսկ Ֆիլիպինները հայտարարել է այդ կառույցից դուրս գալու մտադրության մասին:
Միջազգային քրեական դատարանը(ՄՔԴ) հիմնադրվել է 2002 թվականին և ԱՄՆ-ն չնայած ինքն այդ կառույցի անդամ չէ, բայց միշտ մյուս երկրներին կոչ է անում միանալ այդ դատարանին:
