Ռուս սենատոր. Սիրիայում Ռուսաստանի և Իրանի համագործակցությունը որոշիչ է
Ռուսաստանի դաշնային խորհրդի միջազգային հարցերի հանձնաժողովի նախագահն ասել է. «Մոսկվայի, Թեհրանի ու Անկարայի միջև ձևավորված համագործակցությունը որոշիչ ու չափազանց կարևոր է Սիրիայի ճգնաժամի կարգավորման համար»:
ԻՌՆԱ-ի հաղորդման համաձայն, «Ռուսիա Սեգոդնյա» լրատվական գործակալությունը չորեքշաբթի օրը գրել է. «Նկատի առնելով Իրանի ու Ռուսաստանի համագործակցության մեծ նշանակությունը, 2017 թվականը Սիրիայի ճգնաժամի կարգավորման համար կարող է որոշիչ լինել»:
Կոնստանդին Կասաչիևն ասել է. «Սիրիայի ճգնաժամի քաղաքական կարգավորման համար եռակողմ ձևաչափով նախագծերի գործադրումն արաբական ու արևմտյան երկրների կառուցողական ու անկողմնակալ դիրքորոշման դեպքում խնդիրները հնարավոր կլինի կարգավորել»:
«Արևմուտքը շարունակում է հովանավորել Սիրիայի կառավարության ընդդիմադիրներին ու միևնույն ժամանակ դատապարտում է Դամասկոսի, Մոսկվայի ու Թեհրանի համագործակցությունն ինչը կարող է խնդիրներ առաջացնել»,-հավելել է Կասաչիևը:
Իրանն ու Ռուսաստանը շարունակական խորհրդակցություններով Սիրիայի զարգացումներում ու այդ երկրի ճգնաժամի կարգավորման ուղղությամբ կարևոր դերակատարություն ունեն:
Իրանի, Ռուսաստանի և Սիրիայի շարունակական խորհրդակցություններով Սիրիայում զարգացումները նոր ընթացք են ստացել:
