ՄԱԿ-ը քննադատել է հակաիսլամական երկրների ղեկավարների ամբոխավարությունը
ՄԱԿ-ի գլխավոր քարտուղար՝ Անտոնիո Գուտերեշը քննադատել է այն դեմագոգներին, ովքեր ահաբեկչությունը կապում են իսլամի հետ: Այս մասին հաղորդում է ԻՌՆԱ լրատվական գործակալությունը:
Չորեքշաբթի օրը Հորդանանում Արաբական լիգայի անդամ երկրների 28-րդ գագաթնաժողովի բացման ելույթում, ՄԱԿ-ի գլխավոր քարտուղար՝ Անտոնիո Գուտերեշն ասել է.«Աշխարհի երկրների որոշ ղեկավարներ փորձում են ահաբեկչությունը կապել Իսլամի հետ»:
Ցավ հայտնելով այն բանի համար, մի շարք զարգացած երկրներ իրենց սահմանները փակել են փախստականների առջև, Գուտերեշը այդ երկրներին կոչ է արել հավատարիմ մնալ փախստականների նկատմամբ ունեցած պարտավորություններին:
ՄԱԿ-ի պատրաստակամությունը հայտնելով կայուն խաղաղություն հաստատելու շրջանակում արաբական աշխարհի հետ համագործակցելու համար, Անտոնիո Գուտերեշն ասել է.«Ժամանակն է կարգավորել Սիրիայի ներկա վիճակը»:
Նա նաև հույս է հայտնել, որ Սիրիայի հարցով Ժնևյան բանակցությունները կհանգեցնեն շոշափելի արդյունքների: Գուտերեշի խոսքով՝ բախումների դադարեցումն անհրաժեշտ է կայուն քաղաքական լուծման համար:
Ընդգծելով Հորդանան գետի արևմտյան ափին Սիոնիստական ռեժիմի անօրինական ավանաշինությունը դատապարտող ՄԱԿ-ի դիրքորոշումը, կազմակերպության գլխավոր քարտուղարն ասել է.«Պաղեստինյան անկախ պետություն կազմվելուց բացի, ցանկացած այլ լուծում կհանգեցնի բախումների շարունակման և անկայունության»:
Նշենք, որ մարտի 29-ին Հորդանանի Ալ-Բահր Ալ-Մայիտ ( «Մեռյալ ծով») տարածքում մեկնարկել է Արաբական պետությունների լիգայի (ԱՊԼ) 28-րդ գագաթնաժողովը:
