Խռովություն ու անկարգություններ բրազիլական բանտում. կան զոհեր ու վիրավորներ

Առնվազն 5 բանտարկյալներ են զոհվել, ևս 17-ը՝ վիրավորվել Բրազիլիայի կենտրոնական Մատու-Գրոսու նահանգում գտնվող բանտում ծագած խռովության ընթացքում։ Այս մասին հայտնում է AP գործակալությունը։

Անվտանգության տեղի վարչության տվյալներով՝ դեպքը տեղի է ունեցել երեքշաբթի՝ Dr. Osvaldo Florentino Leite Ferreira բանտում։ Նախնական տվյալներով՝ բանտում ընդհարումներ են տեղի ունեցել մրցակից խմբավորումների միջև, որն էլ դարձել է անկարգությունների պատճառ։ 4 բանտարկյալներ մահացել են ստացած հրազենային վնասվածքներից, ևս 1-ը մահացել է սրտի կաթվածից։

Ինչպես հայտնում է գործակալությունը՝ ներկայում խռովությունը հանդարտվել է։ Տեղի իշխանությունները փորձում են վերականգնել վերահսկողությունը։

1in.am