ԵՄ-ը պահանջել է հետաքննություններ անցկացնել Թուրքիայի հանրաքվեի արդյունքների վերաբերյալ
ԵՄ-ը Թուրքիայից պահանջել է «Թափանցիկ հետաքննություններ» անցկացնել կիրակի օրը այդ երկրում անցկացված հանրաքվեի ընթացքում տեղի ունեցած անկարգությունների վերաբերյալ:
Ֆրանսպրես գործակալության հաղորդմամբ՝ երեքշաբթի օրը, անդրադառնալով Թուրքիայում սահմանադրական փոփոխությունների հանրաքվեի ընթացքում մի խումբ դիտորդների կողմից զեկուցված անկարգություններին, Եվրահանձնաժողովի խոսնակ Մարգարիտ Շինսը բոլոր կողմերին ինքնազսպվածության կոչ է արել:
ԵԱՀԿ-ն հայտարարել է.«Թուրքիայում անցկացվող հանրաքվեն չի համապատսախանում միջազգային ստանդարդներին, և դրա արդյունքն անընդունելի է»:
Երեքշաբթի ապրիլի 18-ին Գերմանիայի ներքին գործերի նախարար Թոմաս Դիմաթզիրն Անկարայի պաշտոնատարներից պահանջել է բացատրություն տալ հանրաքվեի անցկացման որակի շուրջ հնչեցված մեղադրանքների վերաբերյալ:
Ավելի վաղ, Եվրահանձնաժաողովի դիտորդների խորհուրդը Թուրքիայի սահմանադրական փոփոխությունների քննարկման հանրաքվեն բնութագրել էր որպես անհավասար մրցակցություն:
