Եվրոպական հանձնաժողովը Թուրքիային զգուշացրել է մահապատժի վերականգնման հետևանքների կապակցությամբ
Եվրոպական հանձնաժողովի նախագահը Թուրքիայում մահապատժի օրենքի վերականգնումը որակել է ԵՄ-ում այդ երկրի անդամակցության բանակցությունների ձախողում:
«Թասնիմ» գործակալության հաղորդմամբ՝ Rheinische Post գերմանական օրաթերթին տված հարցազրույցում Ժան Քլոդ Յունկերը նշել է.«Եթե Թուրքիան վերականգնի մահապատժի օրենքը, ապա Եվրամիությունում այդ երկիրը ոչ մի ապագա չի ունենալու»:
Գերմանիայի կառավարությունը ևս վերջերս հայտարարել է, որ չի թույլատրելու Թուրքիայի կողմից այդ երկրում մահապաժի վերականգնման մասին հանրաքվե անցկացումը:
Թուրքիայի նախագահ Ռեջեբ Թայիբ Էրդողանը 2004 թվականին չեղարկեց այդ երկրում մահապատժի մասին օրենքը:
Թուրքիայում վերջին մահապատիժն իրականացվել է 1984 թվականին, սակայն անցյալ տարվա հեղաշրջման ձախողված փորձից հետո Էրդողանը բազմիցս ակնարկել է մահապատժի մասին օրենքի վերականգնման և այդ հարցի շուրջ հանրաքվեի անցկացման վերաբերյալ: