Բրազիլիայի Գերագույն դատարանն իր համաձայնությունը տվեց այդ երկրի նախագահի մասին հետաքննությանը

Բրազիլիայի Գերագույն դատարանը համաձայնել է այդ երկրի նախագահ Միշել Թեմերի դեմ կոռուպցիայի մեղադրանքների շուրջ հետաքննությանը:

«Ռոյտերզ»-ի հինգշաբթի օրը կատարած հաղորդման համաձայն, Բրազիլիայում Միշել Թեմերի նախագահությունից ընդամենը մեկ տարի անց, այդ երկրի որոշ պաշտոնատարներ հանդես են եկել նրա պաշտոնազրկման պահանջով:

Համաձայն Բրազիլիայի մամուլի հաղորդման, Թեմերը կոռուպցիայի հետ կապված մի գործի կապակցությամբ լռելու դիմաց խորհրդարանի նախկին նախագահին կաշառք է վճարել:

Բրազիլիայի նախագահը մերժել է իրեն ուղղված մեղադրանքները: