Թրամփի ելույթը ՝ կանաչ ազդանշան բռնապետ ռեժիմներին
Բրիտանական մի օրաթերթ Ռիադում ԱՄՆ նախագահի ունեցած ելույթը որակել է միջինարևելյան բռնապետ ռեժիմներին տված կանաչ ազդանշան ՝ փոքրամասնությունների նկատմամբ ճնշումն ու խոշտանգումը շարունակելու համար:
Լոնդոնում լույս տեսնող «Independent» օրաթերթը քննադատել է Ռիադում 55 մուսուլման երկրների ղեկավարների հետ հանդիպմանը Թրամփի ունեցած ելույթը: Օրաթերթը գրել է.«Թրամփի խոսքերը կանաչ լույս էին տրված Եգիպտոսի նախագահ ՝ Աբդոլֆաթաալ Ալ-Սիսիի նման ղեկավարներին՝ «Մուսուլման եղբայրներ» խմբի անդամներին կալանավորելու և խոշտանգելու համար»:
Ըստ աղբյուրի, առկա իրավիճակը բարդացնելու է նաև այն հանգամանքը, որ Թրամփը բարձր է գնահատել Բահրեյնի իշխանություններին:
Բրիտանական օրաթերթի փոխանցմամբ՝ իր նախընտրական քարոզարշավի ժամանակ, Թրամփն Արաբիային էր ներկայացնում 11-սեպտեմբերյան հարձակումների հեղինակը, սակայն Ռիադում ունեցած ելույթով, այդ բոլոր խոսքերը մոռացության տրվեցին:
Մուսուլման երկրներում ահաբեկչությունն արմատախիլ անելու Թրամփի պահանջի մասին «Independent» օրաթերթը գրել է.«Ալ-Ղաիդայի նման շարժումների ձևավորման ու տարածման գլխավոր գործոնը պայմանավորված է շուրջ կես դար տևողությամբ վահաբականությունը տարածելու նպատակով նավթային հասրտությունը վատնելու Արաբիայի որդեգրած քաղաքականությամբ»: