Սերբիան մտադիր չէ անդամակցել ՆԱՏՕ-ին. վարչապետ
Մարտ 02, 2016 07:40 Asia/Tehran
Սերբիայում չի անցկացվի ՆԱՏՕ-ին անդամակցեու հարցով հանրաքվե, դա «մտացածին հարց» է, հայտարարել է վարչապետ Ալեքսանդր Վուչիչը RTS հեռուստաընկերության եթերում։
Նա վստահեցրել է, որ Սերբիան ցանկանում է լինել ռազմական առումով չեզոք։ Վարչապետի խոսքով՝ Սերբիայի և ՆԱՏՕ-ի միջև համաձայնագրի հաստաման մասին մեծ աղմուկ բարձրացրած օրենքը, որը վերջերս վավերացվել էր խորհրդարանի և ստորագրվել նախագահի կողմից, դասվում է «տեխնիկական» շարքին։
«Մեր քաղաքականությունը հետևյալն է՝ մենք սիրում ենք Սերբիան, մենք հարգում ենք Ռուսաստանին, մենք հարգում ենք Ամերիկային, մենք գնում ենք ԵՄ, սակայն ամենից առաջ մենք սիրում ենք Սերբիան»,- հայտարարել է Վուչիչը՝ ընդգծելով, որ եվրաինտեգրումը Սերբիայի համար տնտեսական կարևոր նշանակություն ունի:
armedia.am
2/3/2016
Պիտակ
