ԵՄ-ն երկարաձգել է Ռուսաստանի նկատմամբ պատժամիջոցների ժամկետը
Եվրամիությունը պաշտոնապես ևս վեց ամսով երկարաձգել է Ռուսաստանի նկատմամբ պատժամիջոցների ժամկետը: Մինչ այդ, դրանք հաստատվել էին մինչև 2017 թվականի հուլիսի 31-ը:
Բրյուսելից «Սպուտնիկ» լրատվական գործակալության փոխանցմամբ՝ Եվրախորհրդի հրապարակած հաղորդագրության համաձայն, պատժամիջոցների նոր ժամկետն ուժի մեջ կմտնի մինչև 2018 հունվարի 31-ը:
Ռուսաստանի Դաշնության արտաքին գործերի փոխնախարար Ալեքսեյ Մեշկովն ընդգծել է.«Մոսկվան ոչ կառուցողական է համարում պատժամիջոցների կիրառումը և համոզված է,որ նման որոշումները չեն կարող լուծել ՌԴ-ի հետ ԵՄ- ի հարաբերություններում առկա խնդիրները»:
Մեշկովը լրագրողներին ասել է.«Բրյուսելը այդ քայլերով չի կարող հասնել ՌԴ-ի հետ կապված իր նպատակներից և ոչ մեկին»:
Ռուս պաշտոնյայի խոսքով՝ Ռուսաստանի նկատմամբ պատժամիջոցները և այս երկրի փոխադարձ միջոցառումները առավելաբար կազդեն ԵՄ-ի անդամ երկրների տնտեսության վրա:
