Կիպրոսից թուրքական ուժերի դուրս բերման մասին լուրը հերքվեց
Թուրքիայի ԱԳ նախարարության խոսնակը հերքեց Կիպրոսից թրքական ուժերի դուրս բերման հավանականության մասին տարածված լուրերը:
Թուրքիայի ԱԳ նախարարության խոսնակ Հոսեյն Մուֆթիօղլուն ուրբաթ օրն անհիմն է համարել տարածված լուրը, թե Շվեյցարիայում կայացած բանակցության ժամանակ այդ երկրի ներկայացուցիչը 4 փուլանոց նախագծի շրջանակում Թուրքիայի ռազմական ուժերը Կիպրոսի հյուսիսից դուրս բերելու մասին առաջարկ է ներկայացրել Կիպրոսին:
Շուրջ 30 հազար թուրքական ռազմական ուժեր այս պահին տեղակայված են Կիպրոսի հյուսիսում:
Կիպրոսի հարցի կարգավորման համար ՄԱԿ-ի կողմից Շվեյցարիայի Ժնև քաղաքում նախաձեռնված բանակցություններն ուրբաթ վաղ առավոտյան ավարտվեցին:
Միջերկրական ծովում գտնվող Կիպրոսի կղզին 1974 թվականին Անկարայի ու Աթենքի միջև ծագած տարաձայնությունից և երկու երկրի միջև ռազմական բախումից հետո մասնատվեց հյուսիսային՝ թրքաբնակ և հարավային՝ հունաբնակ բաժինների:
