Եվրամիությունը սեփական դատախազությունը կունենա

Եվրամիությունը սեփական դատախազությունը կունենա: Համապատասխան որոշումը Ստրասբուրգում հուլիսի 5-ին ընդունել են Եվրախորհրդարանի պատգամավորները:

Ինչպես հաղորդում է DW.com-ը, ենթադրվում է, որ նոր կառույցը, որի աշխատանքներին կմասնակցեն ԵՄ անդամ երկրներից 20-ը, իր գործունեությունը կսկսի 2020-ին:

Նոր կառույցի հիմնախնդիրը կլինի ֆինանսական ոլորտում բազմամիլիարդանոց միջսահմանային խարդախության դեմ պայքարը, մասնավորապես` դրամաշորթության, փողերի լվացման և եվրոպական ֆինանսական միջոցների հետ կապված խարդախության: Եվրահանձնաժողովի տվյալներով` միայն ԱԱՀ-ի հետ կապված միջսահմանային խարդախությունների պատճառով ԵՄ տնտեսությունը 50 մլրդ եվրոյի վնասներ է կրում:

Tert.am