ԱՄՆ-ն Լեհաստանին Patriot ՀՕՊ համակարգեր կմատակարարի
Լեհաստանի պաշտպանության նախարարը տեղեկացրել է, որ Լեհաստանը և Միացյալ նահանգները համաձայնագիր են ստորագրել, որով Վարշավան Պատրիոտ հակաօդային պաշտպանության համակարգեր կգնի ԱՄՆ-ից:
Լեհաստանի պաշտպանության նախարար Անտոնի Մաչերևիչը հինգշաբթի օրը հայտարարել է.«Լեհաստանի և ԱՄՆ-ի պաշտպանության նախարարությունները ստորագրել են Վարշավային ամերիկյան Patriot հակահրթիռային պաշտպանության համալիրներ վաճառելու մասին համաձայնագիր»: «ԱՄՆ-ի կառավարությունը համաձայնություն Է հայտնել Լեհաստանին վաճառելու Patriot համակարգեր՝ ամենաարդիական փոխդասավորությամբ, կրակի կառավարման IBCS համակարգով և ռադարով»,- ասել Է Անտոնի Մաչերևիչը:
Երեկ, նախքան «Մեծ քսանյակ»-ի գագաթնաժողովին մասնակցելը, ԱՄՆ նախագահ՝ Դոնալդ Թրամփը ժամանել է Լեհաստանի մայրաքաղաք Վարշավա: «Մեծ քսանյակ»-ի գագաթնաժողովը տեղի կունենա հուլիսի 7-8-ին Գերմանիայում:
Լեհաստանը փորձում է մերձենալ ԱՄՆ-ին ,որպեսզի կարողանա Եվրամիությունում ավելի մեծ դերակատարությամբ հանդես գալ Գերմանիայի ու Ֆրանսիայի նկատմամբ:
