Եվրոպայի ու Իրանի հարաբերություններում նոր էջ է բացվում
Ուրբաթ օրը ՀԳՀԾ-ի մասին պարսկերեն լեզվով հրատարակած պրակում ԵՄ-ն հայտարարել է, որ միության և Իրանի տնտեսությունների վերամիավորմամբ, նույն չափերով աճելու են իրանցիների ու եվրոպացիների բարեկեցությունն ու երջանկությունը:
ԻՌՆԱ-ի հաղորդման համաձայն, «Նոր էջ Իրանի ու Եվրոպայի հարաբերություններում» խորագիրը կրող պրակում անդրադարձ է արվել 2016 թվականի ապրիլին Թեհրան կատարած այցի ժամանակ ԵՄ արտաքին քաղաքականության պատասխանատու Ֆեդերիկա Մուգերինիի հայտարարություններին և ՀԳՀԾ-ն հիշատակվել է որպես Իրանի ու ԵՄ-ի միջև դիվանագիտական հարաբերությունների նոր սկզբնակետ:
«Մինչև Իրանի դեմ անարդար շրջափակումների գործադրումը, ԵՄ-ն իր 28 անդամներով համարվել է Իրանի առևտրական ամենախոշոր գործընկերը և ԵՄ-ի ու Իրանի տնտեսությունների վերամիավորմամբ, նույն չափերով աճելու են իրանցիների ու եվրոպացիների բարեկեցությունն ու երջանկությունը»,-նշված է պրակի մի բաժնում:
Պրակում նաև ընդգծվել է. «Իրանն ու ԵՄ-ն համաշխարհային մարտահրավերներն, այդ թվում կլիմայական փոփոխությունների, թմրաբիզնեսի, միգրացիայի ու ապաստանության ճգնաժամը դիմագրավելու ուղղությամբ համագործակցության շուրջ համաձայնության են եկել»:
