Ամերիկյան ռմբակոծիչների զորավարժությունը երկու Կորեաների սահմանի մոտ

Կորեական թերակղզում լարվածությունների սրման ֆոնին ամերիկյան ռմբակոծիչները զորավարժություն են անցկացրել Հյուսիսային Կորեայի հետ Հարավային Կորեայի սահմանին: Այդ մասին, ինչպես տեղեկացնում Է «Ֆրանս Պրես»-ը, հայտնել Է Yonhap լրատվական գործակալությունը:

Ըստ հաղորդման՝ այդ զորավարժության ընթացքում Գուամում Անդերսեն օդային ռազմաբազայում  տեղակայված ամերիկյան  մի քանի ռազմավարական ռմբակոծիչներ սադրիչ քայլեր կատարելով մոտեցել են Հյուսիսային Կորեայի օդային տարածքին: Զորավարժությանը մասնակցում են նաև ամերիկյան մի քանի կործանիչներ: Զորավարժությունն անցկացվել է երկու Կորեաների սահմանից 80 կմ հեռավորության վրա:

Հարավային Կորեայի պաշտպանության նախարարությունը հայտարարել է,որ այդ զորավարժության  նպատակն է հակազդել Հյուսիսային Կորեայի բալիստիկ հրթիռների արձակմանը:

Հյուսիսային Կորեան բազմիցս հայտարարել է,որ իր հրթիռային կարողության ու ատոմային զենքի մասին երբեք չի բանակցելու ԱՄՆ-ի ու Հարավային Կորեայի հետ, քանի դեռ նրանք մի կողմ չեն դրել իրենց թշնամական ռազմավարությունները: