ԵՄ. Հյուսիսային Կորեան միջազգային սպառնալիք է
Փխենյանի ուրբաթ օրվա հրթիռային փորձարկումից հետո ԵՄ-ն հայտարարեց, որ Հյուսիսային Կորեան միջազգային խաղաղության ու անվտանգության համար լուրջ սպառնալիք է:
«Ֆրանս Պրես»-ի հաղորդման համաձայն, ԵՄ-ն ուրբաթ գիշեր մի հաղորդագրությամբ հայտարարեց, որ Հյուսիսային Կորեայի կողմից բալիստիկ հրթիռի արձակումը միանշանակ ոտնահարում է ՄԱԿ-ի ԱԽ բանաձևերում հստակեցված միջազգային պարտավորությունները:
ԵՄ-ն Հյուսիսային Կորեային կոչ է արել հրաժարվել ցանկացած սադրիչ քայլից, որը կհանգեցնի տարածաշրջանային ու համաշխարհային լարվածության առավել սրմանը:
ԵՄ արտաքին քաղաքականության պատասխանատու Ֆեդերիկա Մոգերինին առաջիկա օրերին Հյուսիսային Կորեայի հրթիռային փորձարկման հարցը քննարկելու է Հարավային Կորեայի և այդ միության գործընկեր այլ երկրների ԱԳ նախարարների հետ:
ԱՄՆ պաշտպանության նախարարությունն ուրբաթ գիշեր տեղեկացրեց, որ Փխենյանն ուրբաթ օրը միջմայրցամաքային բալիստիկ տեսակի հրթիռ է փորձարկել:
Ճապոնիայի վարչապետ Շինզո Աբեի ընդգծմամբ այդ հրթիռը վայր է ընկել ճապոնիայի տնտեսական հատուկ գոտու ջրերում: