Գերմանիան չի ընդունում ԱՄՆ-ի կողմից Ռուսաստանի դեմ պատժամիջոցների փաթեթը
Գերմանիայի արտգործնախարարությունը հայտարարել է, որ ԱՄՆ-ի կողմից Ռուսաստանի դեմ ուղղված պատժամիջոցների փաթեթը հակասում է միջազգային օրենքներին և Բեռլինը չի հովանավորելու այդ նախագիծը:
Հակազդելով ԱՄՆ նախագահ Դոնալդ Թրամփի ստորագրած Ռուսաստանի դեմ ուղղված պատժամիջոցների փաթեթին, Գերմանիայի արտգործնախարարությունը հստակեցրել է.-«Ռուսաստանի դեմ սահմանված պատժամիջոցների գործադրման համար ԱՄՆ-ի կառավարությունը պետք է հաղթահարի մեծ խոչընդոտներ». այս մասին հաղորդում է ԻՏԱՐ-ՏԱՍՍ-ը:
Գերմանիայի արտգործնախարար Զիգմար Գաբրիելն ասել է.-«Գերմանիան չի հովանավորում Ռուսաստանի դեմ սահմանված պատժամիջոցների փաթեթը, որը մեծ դժվարություններ կառաջացնի եվրոպական ընկերությունների համար»:
Ռուսաստանի և Իրանի դեմ ուղղված շրջափակումների փաթեթը անցած շաբաթ ձայների ճնշող մեծամասնությամբ հաստատվել էր ԱՄՆ Ներկայացուցիչների պալատի և Սենատի կողմից:
ԱՄՆ նախագահ Դոնալդ Թրամփն օգոստոսի 2-ին ստորագրել է Ռուսաստանի դեմ ուղղված պատժամիջոցների փաթեթը:
